الشـوق يفضــح لا انكشف داخل العيـــن

من طرف **فهد الدسيماني** السبت أبريل 11, 2009 7:58 pm

توك صغيــره وابتديتــي تحبيــن

مـن علمك ليل السهـر ياصغيـــره..!

بدري عليك العشــق يابنت هالحيـــن

حـــرام هــذا القلب وشهو مصيـــره..؟

انتــي برئيــة في الهوى ليـته تشقيـــن

صدماتــه لقلبك تراهــا خطيـــره..!

عيشـي الطفوله واتركــي الحب بعديــن

وادروبــه طوال عليك وعسيــره..!

الشــوق يفضــح لا انكشف داخـل العيــن

وانتـتي بنفسك ماهقيتـك بصيــره..!

إن كـان قصـدك بالمحبــة تسليـــن

بالعكس بتشوفيــن هم وحيـــره..!

الحب قبلك هـز ناس كثيريــن

خلا القلــوب تعيش خوف وغيــره..!

طيعــي كلامـي واحذري لا تماديـــن

تراجعــي لعل في الامـر خيــره..!

عيشــي البراءة والطفولــة لك سنيــن

بعدين حبي لا غديتـي كبيــره..!