ألا يا جمرة العاشق دخيلك تخمدي ناره

هكذا و بلا مقدمات أبياتي تبوح لكم




ألا يا جمرة العاشـق دخيلـك تخمـدي نـاره
تسلّى به زمـان الضيـم حتـى ودّع هجوعـه
دخيلك إحفـري قبـره قبـل لا تبـدأ الشـاره
و يلعب به جنون الشوق لعبـة كاتـم اللوعـه
يكفّي ما خذا قلبـي هطيـل أمـرار مـدراره
يكفّي ما طلب دمعي غديـر عيـون مفجوعـه
مليت من الدموع الشوق حتـى سالـت أنهـاره
و أسرت به على الضفه يفيض و يبهر طلوعه
غرامٍ يا الملا كافي وضوحٍ يفضـح أسـراره
أحبه موت يا عالم و جفنـي يشكـي الروعـه
أساير دمعي بدمعي و أقـاوم و أنتحـي تـاره
عسى عزلة عن الدنيا تبعثـر ألـف موسوعـه
أحاول أجمع المبكـى و أروي كايـد أخبـاره
و لا ألقى له سوى قلبٍ يضمه داخل ضلوعـه
وفيت و قلبي الوافـي تجـرّع كاسـة أمـراره
و أنا مثل النخيل اليوم خرافي قـرب طلوعـه
جذبني طاري اللهفـه و أحـاور بالغـلا داره
و كن الدار يتحامـل حديـثٍ غـرّق دموعـه
حفر فيني على الوجنـه غـرامٍ باقـي آثـاره
و أجاوب من يناشدني على كلمات موضوعـه
تصبّر و أحتسب ياخي ترجـى طلّـة نهـاره
و كني ذلـك النجـار أبـو بيبـان مخروعـه
أضم الشوق و أحرق به ضلوعٍ تشتكي جـاره
و أسافر مع معاناتي علـى أحـلام مشروعـه
أراكض في سكاك الود و كني عمـدة الحـاره
و يغمز لي عسيل العين و أذوب و أنتحي طوعه
و أجي له بالغرام اجيال أتابع نظرة إصـراره
و أضمه في حشى روحي و ألبي مطلب شموعه
ترفّق يا ندى العاشق مزيـج انفـاس منهـاره
خلاصه من ورود الشوق و الإحساس مرفوعه
يا أنعم من سكن حسي يا عمرٍ باهض أطـواره
يا سكر فايق العسلى يـذوب بـروح مولوعـه
فديتك أطلبي روحي تجي لك بأعطر ازهـاره
و أعيش بدنيتي حتـى لـو الأرواح منزوعـه



’